གངས་ཅན་བོད་ཀྱི་ཚེ་རབས་གཏན་གྱི་ལྷ་སྐལ་ཐུན་མོང་མ་ཡིན་པ་གུ་རུ་མཚོ་སྐྱེས་རྡོ་རྗེའི་ཚོགས་འབུམ་ཆེན་མོ།
དེ་ཡང་སེམས་དཔའ་ཆེན་པོ་རྫ་དཔལ་སྤྲུལ་རིན་པོ་ཆེས། བོད་ཀྱི་བླ་མའི་སྐལ་པ་གུ་རུ་ཉིད། ཅེས་གསུངས་པ་ལྟར། སློབ་དཔོན་སངས་རྒྱས་གཉིས་པ་གུ་རུ་མཚོ་སྐྱེས་རྡོ་རྗེ་ནི་བོད་ཁ་བ་གངས་ཅན་གྱི་ལྗོངས་ཀྱི་ཐུན་མོང་མིན་པའི་ལྷ་སྐལ་ཡིན་པ་དང་། ཁྱད་པར་དུ་༧རྒྱལ་དབང་ལྔ་པ་ཆེན་པོའི་དུས་ནས་བོད་ཀྱི་གཞུང་ས་དང་རྫོང་ཆེན་ཁག་ཏུའང་དམིགས་བསལ་གྱིས་བསྟན་འགྲོའི་རྒུད་པ་ཞི་བའི་ཆེད་དུ་གཏེར་ཆེན་གུ་རུ་ཆོས་ཀྱི་དབང་ཕྱུག་གི་ཟབ་གཏེར་བླ་མ་གསང་བ་འདུས་པ་སོགས་ཀྱི་སྒོ་ནས་ཚེས་བཅུའི་དུས་མཆོད་གཏན་འཇགས་ཀྱི་སྲོལ་གཏོད་པ་དང་། ད་ལྟའི་དུས་འདིར་ཡང་ལྷ་བླའི་དགོངས་པ་གཅིག་མཐུན་གྱིས། རང་རེ་ཁ་བ་གངས་ཅན་པ་དག་གི་སྤྱི་མཐུན་གྱི་བསོད་ནམས་གསོག་པ་དང་ཕྱི་ནང་གི་འགལ་རྐྱེན་བར་ཆད་སེལ་བ་ལ་གུ་རུའི་ཚོགས་འབུམ་སོགས་ལ་བརྟེན་ནས་གུ་རུ་རིན་པོ་ཆེར་གསོལ་བ་འདེབས་པ་ལས་གལ་ཆེ་བ་མེད་པའི་བཀའ་ལུང་ཡང་ཡང་གནང་བ་ལྟར། རུའི་ཚོགས་འབུམ་ཆེན་མོ་ལོ་རེ་བཞིན་འཚོགས་ཀྱིན་ཡོད།