ཐའེ་ཝན་རྒྱལ་སྤྱི་བོད་བརྒྱུད་ནང་བསྟན་ཞིབ་འཇུག་ཚོགས་པའི་ངོ་སྤྲོད་སྙིང་བསྡུས། ཐའེ་ཝན་རྒྱལ་སྤྱི་བོད་བརྒྱུད་ནང་བསྟན་ཞིབ་འཇུག་ཚོགས་པ་ནི་སྤྱི་ལོ་༢༠༠༩ ལོར་ཟླ་༡༡ ཚེས་ ༨ ཉིན། དཔལ་སྐྱའི་༧གོང་མ་༧བདག་ཆེན་རྡོ་རྗེ་འཆང་ཆེན་པོ་དབུ་བཞུགས་ཐོག་ཐའེ་ཝན་དུ་དངོས་སུ་དབུ་འཛུགས་ཞུས་པའི་ཚོགས་པ་ཞིག་ཡིན་ཞིང་། གཞུང་འབྲེལ་དེབ་སྐྱེལ་སོགས་ལེགས་པར་གྲུབ་པའི་ཐའེ་ཝན་གྱི་རྒྱལ་ཡོངས་རང་བཞིན་གྱི་བོད་བརྒྱུད་ནང་བསྟན་གྱི་ཚོགས་པ་ཆེ་ཤོས་ཀྱང་ཡིན། ཞིབ་འཇུག་ཚོགས་ནི་ཆབ་སྲིད་དང་མ་འབྲེལ་བའི་ཐོག་ནས་གཙོ་ཆེར་ཐའེ་ཝན་དུ་ཡོད་པའི་བོད་བརྒྱུད་ནང་བསྟན་གྱི་ཆོས་བརྒྱུད་ཁག་དང་ས་གནས་མི་མང་བཅས་ལ་ཞབས་ཏོག་ཞུ་བའི་ཚོགས་པ་ཞིག་ཡིན། ཚོགས་པ་འདིར་འཛིན་སྐྱོང་ལས་རིམ་གྱི་ཚོགས་གཙོ་དང་དྲུང་ཆེ་རྩིས་གཉེར་སོགས་ཐའེ་ཝན་རང་གི་དད་ལྡན་པས་གཙོ་འགན་ཁུར་བའི་ཐོག་ནས་ཕྱག་ལས་གནང་བཞིན་ཡོད་པ་དང་། ཞིབ་འཇུག་ཚོགས་པའི་རྩ་བའི་འགན་ཁུ་ར་མཁན་འགན་འཛིན་ལྷན་ཚོགས་ཀྱི་ཚོགས་མི་མཁན་སྤྲུལ་དགེ་བཤེས་རྣམ་པས་དངོས་སུ་ལས་ཁུར་འཁུར་བཞིན་ཡོད།