ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པ་དང་། སྨོན་ལམ་བརྡ་འཕྲིན་ཞིབ་འཇུག་ཁང་མཉམ་འབྲེལ་གྱིས་བསྒྲུབས་པའི་བོད་རྒྱ་ཚིག་མཛོད་མཉེན་ཆས་འདི་ཉིད། ཕྱི་ལོ་ ༢༠༡༨ ལོའི་ཟླ་ ༡ ཚེས་ ༢༦ ཉིན། ཐའེ་པེ་གྲོང་ཁྱེར་་དུ་ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པས་གོ་སྒྲིག་འོག་དངོས་སུ་འགྲེམ་སྤེལ་གྱི་མཛད་སྒོ་བསྐོང་འཚོགས་བྱས་ཤིང་། ཚོགས་ཐོག་ཏུ་ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་འགན་འཛིན་གཙོའི་ལས་བྱེད་དང་ཚོགས་མི་རྣམ་པ། སྨོན་ལམ་བརྡ་འཕྲིན་ཞིབ་འཇུག་ཁང་གི་འགན་འཛིན་སེར་སྨད་དགེ་བཤེས་བློ་བཟང་སྨོན་ལམ། ཐའེ་ཝན་དུ་གནས་བཞུགས་བླ་སྤྲུལ་མཁན་པོ་དང་དགེ་བཤེས་གྲྭ་བཙུན་བཅས་མཉམ་བཞུགས་གནང་ཡོད། མཉེན་ཆས་འདི་ནི། ཐེའི་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པ་དང་སྨོན་ལམ་བརྡ་འཕྲིན་ཞིབ་འཇུག་ཁང་གཉིས་ཀྱིས་མཉམ་དུ་བསྒྲུབས་པའི་རིན་མེད་མཉེན་ཆས་ཤིག་ཡིན།