བོད་ས་གླང་ལོའི་སྤྱི་ཟླ་༡༡ ནང་དུ་ཀ་ཐོག་རིག་འཛིན་ཆེན་པོ་དང་། མཁན་པོ་ཚུལ་རྣམ་རིན་པོ་ཆེ། སྤྲུལ་སྐུ་ཐུབ་བསྟན་ནོར་བུ། མཁན་པོ་ཆོས་ཉིད་དོན་རྟོགས་བཅས་ཞིབ་འཇུག་ཚོགས་པའི་ཚོགས་པ་གསར་འཛུགས་གནང་མཁན་གྱི་རིན་པོ་ཆེ་བཞིས་ཐོག་མར་ཚོགས་པ་འདི་ལྟ་བུ་ཞིག་འཛུགས་རྒྱུའི་བསམ་བློ་འཁོར་ཞིང་། སྐབས་དེར་ཁོང་དག་གིས་མཉམ་དུ་བློ་ཐག་རྦད་ཆོད་ཀྱིས་ཚོགས་པ་འདི་འདྲ་ཞིག་འཛུགས་རྒྱུར་སེམས་ཐག་བཅད་པ་ལྟར་ཚོགས་པ་འདི་དངོས་སུ་ཚུགས་ཤིང་། ད་ཆ་མི་ལོ་ཧྲིལ་པོ་བཅུ་ལྷག་འདས་ཟིན་པ་ཡིན།