ང་དེ་རིང་འདིར་ཀ་ཐོག་རིག་འཛིན་ཆེན་པོ་དང་སྤྲུལ་སྐུ་ཐུབ་བསྟན་ནོར་བུ། མཁན་པོ་ཚུལ་རྣམ་རིན་པོ་ཆེ། མཁན་པོ་ཆོས་ཉིད་དོན་རྟོགས། བླ་མ་གར་དབང་སོགས་ཀྱིས་དེ་རིང་འདིར་ཤོག་གསུངས་པ་རེད། ང་ཡང་ཧ་ཅང་དགའ་པོ་བྱུང་། ང་ཚོའི་འདིར་དངོས་སུ་དབུ་འཛུགས་ཞུ་བཞིན་པའི་བོད་བརྒྱུད་ནང་བསྟན་ཞིབ་འཇུག་ཚོགས་པ་འདིས་ཀྱང་འབྱུང་འགྱུར་ནང་པ་སངས་རྒྱས་པའི་ཁྱབ་ཁོངས་ཧྲིལ་པོར་ནང་ཆོས་འཛིན་སྐྱོང་སྤེལ་གསུམ་དང་། ནང་ཆོས་དང་འབྲེལ་བའི་བརྗོད་གཞིར་ཞིབ་འཇུག་སོགས་ཀྱི་ཐད་ལ་ཕན་ཐོགས་ཆེན་པོ་ཡོང་ངེས་རེད། ངས་ཀྱང་ཁྱེད་རྣམ་པའི་ཚོགས་པ་འདིར་རྒྱབ་སྐྱོར་ཞུ་རྒྱུར་མ་ཟད་ཐུགས་རྗེ་ཆེ་ཞུ་གིན་ཡོད།