༢༠༡༩ཟླ་༩ཚེས་༧ ཉིན། ཐའེ་ཝན་གྱི་རྒྱལ་ས་ཐའེ་པེའི་སྙན་གྲགས་ཅན་གྱི་ཡཱན་ཧྲན་མགྲོན་ཁང་ཆེན་མོའི་ཚོགས་ཁང་དུ་ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པས་གསོལ་འདེབས་ཞུས་དོན་ལྟར། ཞིབ་འཇུག་ཚོགས་པ་དང་ཐའེ་ཝན་མགར་ཆེན་ཆོས་ཚོགས་ཟུང་འབྲེལ་ཐོག་༧སྐྱབས་རྗེ་མགར་ཆེན་རིན་པོ་ཆེས་མི་མང་སྟོང་ཕྲག་གཅིག་དང་དྲུག་བརྒྱ་ཡས་མས་ལ་བྱང་ཆུབ་སེམས་བསྐྱེད་ཀྱི་བཀའ་ཁྲིད་དང་འབྲེལ་བྱང་ཆུབ་སེམས་སྡོམ་བསྩལ་ཡོད་པ་རེད། དེ་ཡང་འདི་ལོ་ཐའེ་ཝན་བོད་བརྒྱུད་ནང་བསྟན་ཞིབ་འཇུག་ཚོགས་པས་ཆེད་དམིགས་གསོལ་འདེབས་ཞུས་དོན་ལྟར་དཔལ་རྒྱལ་བ་འབྲི་གུང་བའི་བསྟན་པའི་རྩ་ལག་༧སྐྱབས་རྗེ་མགར་ཆེན་དཀོན་མཆོག་རྒྱལ་མཚན་མཆོག་ལྷོ་ཤར་ཨེ་ཤ་ཡའི་རྒྱལ་ཁབ་ཁག་ཏུ་མཛད་ཕྲིན་སྐྱོང་བཞིན་པའི་སྐབས་དང་བསྟུན་ནས་ཟླ་འདིའི་སྤྱི་ཚེས་བདུན་ཉིན་རྒྱལ་ས་ཐའེ་པེ་རུ་རིས་མེད་རྒྱ་བོད་ཀྱི་དགེ་འདུན་ཉིས་བརྒྱ་ཙམ་དང་དད་ལྡན་མི་མང་སྟོང་གཉིས་ལ་ཉེ་བར་བྱང་ཆུབ་སེམས་བསྐྱེད་ཀྱི་བཀའ་ཆོས་དང་སྡོམ་པ་གནང་།